ინფორმაცია მთავრობის ადმინისტრაციამ გაავრცელა.

რატომ არის მნიშვნელოვანი: რუსეთი უკრაინის კრიტიკულ ინფრასტრუქტურაზე, მათ შორის, ენერგიის გადამცემ ხაზებზე, ელექტროსადგურებსა და ქვესადგურებზე მასიურ სარაკეტო თავდასხმებს ახორციელებს.

  • სწორედ ამის გამო უკრაინა ზამთრისთვის აქტიურად ითხოვს გენერატორებს.
  • 6 დეკემბერს უკრაინის საელჩომ განაცხადა, რომ საქართველოს მთავრობას 1 თვის წინ სთხოვეს გენერატორები, თუმცა პასუხი არ მიუღიათ.
  • გუშინ, 8 დეკემბერს ქართული ოცნების ერთ-ერთი ლიდერი, ირაკლი კობახიძე ამბობდა, რომ გენერატორები "საქართველოში არ იწარმოება" და ხალხს ჰგონია, რომ უკრაინა "დვიჟოკებს" ითხოვს.

დეტალები: მთავრობის ადმინისტრაციის განცხადებით, უკრაინელი ხალხისთვის ჰუმანიტარული დახმარების გაწევაზე გადაწყვეტილება პრემიერმინისტრმა, ირაკლი ღარიბაშვილმა მიიღო.

  • გენერატორების შესყიდვა კი ეკონომიკისა და მდგრადი განვითარების სამინისტროს დაევალა.