ამის შესახებ ერთიანი ნაციონალური მოძრაობის წევრმა ექსპრეზიდენტთან შეხვედრის შემდეგ განაცხადა.

რატომ არის მნიშვნელოვანი: გუშინ, გვიან ღამით, პარტიის წევრმა, ლევან ხაბეიშვილმა შაბათს, 3 დეკემბერს ქართული ოცნების ოფისთან სააკაშვილის გადაყვანის მოთხოვნით აქცია დააანონსა.

  • 28 ნოემბერს ექსპრეზიდენტის სასამართლო პროცესი უნდა გამართულიყო, თუმცა გადაიდო. ამასთან, ადვოკატის თქმით, სააკაშვილის პროცესზე დასწრება სურდა.
  • ენმ-ის წევრმა, ხატია დეკანოიძემ კი განაცხადა, რომ ჯანმრთელობის მდგომარეობის გამო სააკაშვილს ექიმებმა ამის უფლება არ მისცეს.
  • მოგვიანებით, განმარტება გააკეთა ვივამედის დირექტორმა და თქვა, რომ ექსპრეზიდენტს ნევროლოგის კონსულტაცია ჩაუტარდა, რომელმაც უარყოფითი დინამიკა აჩვენა და გადაყვანა გამართლებული არ იყო.

ხერხეულიძის განცხადებით, სააკაშვილს პოლიტიკისგან დისტანცირება სურს და აუცილებელია, ყველა ვინც მას გულშემატკივრობს, უგულშემატკივროს მის ჯანმრთელობის მდგომარეობას და სამკურნალოდ გადაყვანას.

  • დასძენს, რომ ყველაფერს გააკეთებს ექსპრეზიდენტის სიცოცხლის გადასარჩენად იმისდა მიხევდით, როგორც სააკაშვილს მიაჩნია სწორად.
  • "მე ყველგან მივალ, სადაც მიხეილ სააკაშვილის უფლებებს იცავენ, მაგრამ ახლა არ გახლავთ ვითარება სტანდარტული".
  • ხერხეულიძემ შაბათს, 3 დეკემბერს დაანონსებულ აქციაზეც ისაუბრა და თქვა:
  • "დარწმუნებული ვარ, იმ მდგომარეობის გათვალისწინებით, რომელიც გუშინ ჩვენ ყველამ ერთად გავიგეთ, ამ ემოციების, იმ წუხილის ფონზე გაკეთდა, რაც ყველას გვაქვს და მე არ ვიცი, ლევანი სხვას რას ეყრდნობა, როცა ასეთ აქციას აანონსებს".