თბილისის საქალაქო სასამართლოს ყოფილი თავჯდომარე, მამუკა ახვლედიანი განმარტავს, რომ რუსთავი 2-ის გენერალური დირექტორის მიერ გავრცელებული ინფორმაცია, თითქოს მოსამართლე ნათია გუჯაბიძე სახელმწიფოს სახსრებით საკუთარი დედისგან ბინას ქირაობდა, აქამდე არ სმენია, თუმცა განაცხადა, რომ ზოგადად, როდესაც მოსამართლე დედისგან ბინას ქირაობს, დარღვევაა:

"ამ ფაქტის თაობაზე, როგორც თქვენთვის, ისე ჩემთვის ცნობილი გახდა ტელევიზიით. თუმცა, კანონმდებლობით არის გათვალისწინებული, რომ მოსამართლე, რომელიც რეგიონიდან არის, ან ასრულებს მოსამართლის მოვალეობას რეგიონში, მას სახელმწიფო ამ ხარჯებს უნაზღაურებს. ოჯახის წევრთან დაკავშირებით, მე ახლა არ ვიცი, მაგრამ რაღაც ტიპის დარღვევა ეს არის და ნამდვილად არ არის საჭირო, რომ ოჯახის წევრს უხდიდეს. მაშინ დანამატის სახით განუსაზღვრავდნენ მოსამართლეს და არა ხელშეკრულების სახით კონკრეტულ ბინაზე".

ჟურნალისტების შეკითხვას, სმენია თუ არა მას მსგავსი პრაქტიკის შესახებ ახვლედიანს აქამდე, მან უპასუხა, რომ არა.

1 ივნისს რუსთავი 2-ისგენერალურმა დირექტორმა, ნიკა გვარამიამ განაცხადა, რომ ამავე ტელეკომპანიის საქმის მოსამართლე, ნათია გუჯაბიძე "თაღლითობაშია შემჩნეული", რადგან სახელმწიფოს თანხებით ბინას თავისივე დედისგან ქირაობდა.