ბოლო პერიოდში იტალიის მთავრობა იმ ადამიანებს, რომლებიც ქვეყანაში დასახლდებიან, სხვადასხვა რაოდენობის თანხას სთავაზობს. რამდენიმე თვის წინ იტალიის მთავრობამ კუნძულ სარდინიაზე დასახლების მსურველებს 15 000 ევრო შესთავაზა, ახლა კი იმ ადამიანებს, რომლებიც ქალაქ პრეზიჩეში დასახლდებიან, ადგილობრივი მერია 30 000 ევროს გადაუხდის.

ქალაქი პრეზიჩე აპულიის რეგიონში მდებარეობს, რომელიც ულამაზესი სანაპიროების გამო ტურისტებისთვის პოპულარული ადგილია. ქალაქი ასევე ცნობილია ისტორიული ნაგებობებით, რომლებიც ბიზანტიური არქიტექტურის ნიმუშს წარმოადგენს.

ფოტო: Getty Images

30000 ევროს მიიღებს ის, ვინც ქალაქ პრეზიჩეში სახლს შეიძენს და მაცხოვრებლად დარეგისტრირდება. გრანტის მიღების მთავარი პირობა ისაა, რომ თანხა შეძენილი საცხოვრებლის ღირებულების მინიმუმ 50%-ის დასაფარად ან უძრავი ქონების განახლებაზე დაიხარჯოს.

მთავრობის ინიციატივის მიზანია, ქალაქ პრეზიჩეში მცხოვრებთა რაოდენობა გაიზარდოს. ცნობისთვის, ამ ეტაპზე ქალაქში 10 ათასზე ნაკლები ადამიანი ცხოვრობს.