უკრაინის გენერალური შტაბის ცნობით, რუსული ჯარები ხერსონიდან ლუგანსკის ოლქის ქალაქ ნოვოაიდარში გადადიან.

რატომ არის მნიშვნელოვანი: უკრაინამ ქალაქ ხერსონზე კონტროლი 11 ნოემბერს აღადგინა, მას შემდეგ, რაც რუსეთმა მდინარე დნეპროს აღმოსავლეთ სანაპიროზე უკან დაიხია.

  • ლუგანსკის ოლქი, ხერსონის მსგავსად პუტინს "რუსეთის ფედერაციის განუყოფელ ნაწილად" აქვს გამოცხადებული.
  • ომის კვლევის ინსტიტუტის ინფორმაციით, ლუგანსკის და დონეცკის ოლქებში რუსული ძალების მორალური და ფსიქოლოგიური მდგომარეობა უკიდურესად დაბალია.

ამასთანავე: ხერსონიდან უკან დახევის შემდეგ, ოკუპანტები პრიორიტეტს ანიჭებენ შევსებას, გადაჯგუფებას და თავდაცვითი ხაზების მშენებლობას, ნათქვამია გაერთიანებული სამეფოს თავდაცვის სამინისტროს დღევანდელ განცხადებაში.

  • სამინისტრომ დასძინა, რომ რუსეთი, სავარაუდოდ, შეეცდება გადაანაწილოს თავისი სამხედრო პერსონალი დონეცკის ოლქის ბახმუტთან ახლოს.