კევინ სპეისი ლონდონის სასამართლოში შემდეგ თვეში ისევ წარდგება, რადგან მსახიობს სექსუალური ძალადობის 7 ახალ საქმეზე ბრალი წარუდგინეს. მსახიობს კიდევ ერთი კაცი უჩივის, რომლის თქმით, სექსუალური ძალადობის შემთხვევები 2001-2004 წლებში მოხდა.

შეგახსენებთ, რომ კევინ სპეისი სექსუალურ ძალადობასა და შევიწროებაში რამდენიმე ადამიანმა თავდაპირველად 2017 წელს დაადანაშაულა. მათ შორის ერთ-ერთი მსახიობი ენტონი რაპი იყო, რომლის მტკიცებითაც 1986 წელს, როცა თავად 14 წლის იყო, სპეისიმ საკუთარ ბინაში დაპატიჟა და მასთან სექსუალური კავშირის დამყარებაც სცადა.

ფოტო: Getty Images

სასამართლომ ენტონი რაპის სარჩელი არ დააკმაყოფილა, რადგან ნაფიცი მსაჯულების გადაწყვეტილებით, მსახიობმა ვერ დაამტკიცა, რომ კევინ სპეისიმ მის მიმართ არასასურველი სექსუალური კავშირის დამყარება სცადა.

რამდენიმე თვის წინ სასამართლოს გადაწყვეტილებით, კევინ სპეისის House of Cards-ისთვის $31 მილიონის გადახდა დაეკისრა. ამის მიზეზი სერიალის გადაღებების დროს კულისებში სავარაუდო სექსუალური შევიწროების ფაქტებია. კევინ სპეისი სექსუალურ შევიწროებაში House of Cards-ის რვა თანამშრომელმა დაადანაშაულა.

სექსუალური ძალადობის 7 ახალი საქმის განხილვა მალე დაიწყება, კევინ სპეისი კი სასამართლოში 16 დეკემბერს უნდა გამოცხადდეს.

ასევე იხილეთ: