ამის შესახებ ეროვნული უსაფრთხოებისა და თავდაცვის საბჭოს მდივანმა, ოლექსი დანილოვმა ისაუბრა.

რატომ არის მნიშვნელოვანი: პოლონეთის საგარეო საქმეთა სამინისტრომ გუშინ, 15 ნოემბერს განაცხადა, რომ რუსული წარმოების რაკეტა პოლონურ სოფელ პრჟევოდოვზე, უკრაინის საზღვართან ჩამოვარდა, რის შედეგადაც ორი ადამიანი დაიღუპა.

  • პოლონეთის პრეზიდენტმა, ანდჟეი დუდამ დღეს, 16 ნოემბერს თქვა, რომ ჩამოვარდნილი რაკეტები, სავარაუდოდ, უკრაინის თავდაცვას უკავშირდება;
  • მისი განცხადებით, ეს იყო რუსული წარმოების S-300 რაკეტა, თუმცა არ აქვთ მტკიცებულება, რომ ის რუსულმა მხარემ გაისროლა.

დეტალები: უკრაინის ეროვნული უსაფრთხოებისა და თავდაცვის საბჭო ხაზს უსვამს, რომ მომხდარში მხოლოდ რუსეთი და მისი სარაკეტო ტერორია დამნაშავე.

  • დანილოვის თქმით, უკრაინა მხარს უჭერს მომხდარის დეტალურ შესწავლას და ამ პროცესში უკრაინელი სპეციალისტებისთვის წვდომას ითხოვს.
  • "ჩვენ მზად ვართ ჩვენს პარტნიორებს გადავცეთ რუსული კვალის შესახებ არსებული მტკიცებულებები. პარტნიორებისგან, ასევე, ველით ინფორმაციას, რის საფუძველზეც გაკეთდა საბოლოო დასკვნა, რომ ეს არის უკრაინული საჰაერო თავდაცვის რაკეტა", — განაცხადა მან.

უკრაინის პრეზიდენტმა, მოგვიანებით, თქვა, რომ დარწმუნებულია, ეს არ იყო მათი რაკეტა ან სარაკეტო შეტევა.

  • "თუ ეს ჩვენი საჰაერო თავდაცვა იყო, მაშინ ამის მტკიცებულებები მინდა", — განაცხადა ზელენსკიმ.