არავინ იცის, როგორი იქნებოდა ფენტეზის და სათავგადასავლო კომედიური ჟანრის ფილმების სერია კარიბის ზღვის მეკობრეები, მასში ჯეკ ბეღურას როლი ჯონი დეპის ნაცვლად ჯიმ კერის რომ შეესრულებინა.

როგორც აღმოჩნდა ჯიმის გარდა ამ როლზე მაიკლ კიტონი და კრისტოფერ უოკენიც განიხილებოდნენ, თუმცა პროექტზე ყველამ უარი თქვა და საბოლოოდ საკულტო როლიც დეპს ხვდა წილად.

მაიკლისა და კრისტოფერისგან განსხვავებით, კერიმ აღიარა, რომ თავის დროზე, ფილმში მონაწილეობაზე უარის თქმით დიდი შეცდომა დაუშვა.

"რთული არჩევანის წინაშე ვიდექი. ერთ მხარეს ჯეკ ბეღურას როლი იყო, მეორე მხარეს ყოვლისშემძლე ბრიუსის. ვნანობ ჯეკ ბეღურას როლზე უარი რომ ვთქვი, თუმცა სამაგიეროდ ჯენიფერ ენისტონთან, მორგან ფრიმენთან და სტივ ქარელთან საერთო ფილმი მაკავშირებს", - თქვა ერთ-ერთ ინტერვიუში მან.

წლების წინ ტაბლოიდები წერდნენ, რომ როლზე უარის თქმის მიზეზი ანაზღაურება გახდა. როგორც ცნობილია ჯიმ კერის ბრიუსის როლისთვის $25 მილიონი გადაუხადეს, მაშინ როდესაც დეპის ჰონორარი ბეღურას როლისთვის მხოლოდ $10 მილიონი იყო.

თუმცა ასეც რომ ყოფილიყო, ჯიმ კერიმ ვერ გაითვალისწინა, რომ წლების შემდეგ კარიბის ზღვის მეკობრეები საკულტო ბლოკბასტერად იქცა და მაგალითად, 2011 წელს კარიბის ზღვის მეკობრეები: უცნაურ ნაპირებზე მუშაობისთვის ჯონი დეპის ჰონორარი $55 მილიონი იყო.

3 და 4 ივნისს, ზაფხულის პირველ შაბათ-კვირას, როდესაც შენი ტელევიზორი სახლის კინოთეატრად გადაიქცევა, #ჩაუჯექი ჯიმ კერის დაწუნებული კაპიტანი ჯეკ ბეღურას ზღაპრულ თავგადასავალს.

შაბათი 3 ივნისი:

  • 16:30 კარიბის ზღვის მეკობრეები: შავი მარგალიტის წყევლა
  • 19:00 კარიბის ზღვის მეკობრეები: მიცვალებულის სკივრი

კვირა 4 ივნისი:

  • 16:30 კარიბის ზღვის მეკობრეები: მსოფლიოს დასალიერში
  • 19:30 კარიბის ზღვის მეკობრეები: უცხო ნაპირებზე