განცხადება აშშ-ის ეროვნული უსაფრთხოების საკითხებში მრჩეველმა, ჯეიკ სალივანმა გააკეთა.

რატომ არის მნიშვნელოვანი: დღეს, 15 ნოემბერს ოკუპანტებმა უკრაინის არაერთ ქალაქსა და რეგიონზე მიიტანეს იერიში, მათი მთავარი სამიზნე კვლავ ენერგეტიკული ობიექტებია.

  • ელექტროენერგია შეწყვეტილია რამდენიმე რეგიონსა და ქალაქში, მათ შორის, ოდესაში, ხოლო დასავლეთ ჟიტიმორში დენი საერთოდ არ არის — ენერგომომარაგება შეფერხებულია მოლდოვაშიც.
  • უკრაინის ენერგეტიკის მინისტრის თქმით, დღეს ოკუპანტებმა ომის დაწყების შემდეგ ენერგეტიკულ სისტემაზე ყველაზე მასიური დაბომბვა განახორციელეს.
  • უკრაინის საჰაერო ძალების სარდლობის ცნობით, დღეს ქვეყნის მიმართულებით ოკუპანტებმა 90-ზე მეტი რაკეტა გაისროლეს.

დეტალები: მისი თქმით, სარაკეტო დარტყმები პუტინის ომის დესტაბილიზაციაზე G20-ის შეშფოთებას მხოლოდ გააღრმავებს.

  • "მსოფლიო ლიდერები ბალიში G20-ის იკრიბებიან, რათა მთელ მსოფლიოში ადამიანებისთვის სასიცოცხლოდ მნიშვნელოვანი საკითხები განიხილონ, რუსეთი კი კვლავ საფრთხეს უქმნის მათ სიცოცხლეს და ანადგურებს უკრაინის კრიტიკულ ინფრასტრუქტურას".
  • "ჩვენი აზრები გაბედულ უკრაინელ ხალხთანაა, რომლებიც დემოკრატიისა და სუვერენიტეტის დასაცავად, გამძლეობისა და გამბედაობის დემონსტრირებას აგრძელებენ".

კიევი: დაბომბეს დედაქალაქიც. მერის, ვიტალი კლიჩკოს განცხადებით, რაკეტები ორ საცხოვრებელ კორპუსს მოხვდა.

  • არსებული მონაცემებით, დაღუპულია, სულ მცირე, ერთი ადამიანი.
  • ქალაქის ნახევარი ელექტროენერგიის გარეშეა დარჩენილი.