გერმანიის კანცლერის, ოლაფ შოლცის განცხადებით, ხვდება, თუ რატომ არ იღებს რუსეთის პრეზიდენტი დიდი ოცეულის შეხვედრაში მონაწილეობას, თუმცა მიაჩნია, რომ პუტინი სამიტს უნდა დასწრებოდა და მისი მისამართით კრიტიკა მოესმინა.

რატომ არის მნიშვნელოვანი: G20-ის სამიტი ინდონეზიის დედაქალაქში 15-16 ნოემბერს გაიმართება.

  • ვოლოდიმერ ზელენსკიმ და რიში სუნაკმა ოფიციალურად განაცხადეს, რომ არ დაესწრებოდნენ დიდი ოცეულის შეხვედრას, თუ პუტინი იქ იქნებოდა.

  • უკრაინის პრეზიდენტის სიტყვით მიმართვა სახელმწიფოს ლიდერების წინაშე სამშაბათს, 15 ნოემბერს იგეგმება.

  • სამიტს არ ესწრება ვლადიმერ პუტინი, მათ შორის არც ონალინ ფორმატში და სანაცვლოდ ბალიში რუსეთის საგარეო საქმეთა მინისტრი გააგზავნა.

დეტალები: შოლცის განცხადებით, პუტინის არყოფნა ხელს არ შეუშლის სხვა ქვეყნებს გააკრიტიკონ აგრესიული ომი და მოუწოდონ რუსეთს, გაიყვანოს ჯარები უკრაინიდან და შექმნას პირობები სამშვიდობო მოლაპარაკებებისთვის.

  • "კარგი იქნებოდა, პრეზიდენტი პუტინი რომ წასულიყო G20-ის სამიტზე. შედეგად მას მოუწევდა ყველა კითხვაზე და კრიტიკაზე პასუხი, რომელიც მრავალი ქვეყნის ლიდერს აქვს მის მიმართ. სავარაუდოდ, ამიტომაც არ არის იქ", — თქვა შოლცმა ვიეტნამის დედაქალაქში ყოფნისას.