ზელენსკი მარცვლეულის შეთანხმებიდან რუსეთის გასვლაზე: განზრახვაა, დააბრუნოს ფართომასშტაბიანი შიმშილის საფრთხე

29 Oct. 2022, 23:19

დღეს რუსეთიდან საკმაოდ პროგნოზირებადი განცხადება მოვიდა, რომ საბოლოოდ აუქმებენ მარცვლეულის ექსპორტის ინიციატივას. მაგრამ, სინამდვილეში, ეს არ არის მათი დღევანდელი გადაწყვეტილება. რუსეთმა სურსათის კრიზისის განზრახ გამწვავება ჯერ კიდევ სექტემბერში დაიწყო, როდესაც მან დაბლოკა გემების მოძრაობა ჩვენი საკვებით.

სექტემბრიდან დღემდე მარცვლეულის დერეფანში უკვე დაგროვდა 176 ხომალდი, რომლებიც მარშრუტს ვერ მიჰყვებიან. ზოგიერთი მარცვლეულის მატარებელი სამ კვირაზე მეტია, ელოდება. ეს არის რუსეთის აბსოლუტურად მიზანმიმართული ბლოკადა. ეს არის რუსეთის აბსოლუტურად გამჭვირვალე განზრახვა, დააბრუნოს ფართომასშტაბიანი შიმშილის საფრთხე აფრიკასა და აზიაში.

ფაქტობრივად, დღეს ზღვაში 2 მილიონ ტონაზე მეტი საკვებია. ეს ნიშნავს, რომ საკვებზე ხელმისაწვდომობა, რეალურად, გაუუარესდა 7 მილიონზე მეტ მომხმარებელს.

ახლა საჭიროა ძლიერი საერთაშორისო რეაგირება როგორც გაეროს დონეზე, ასევე, დიდი ოცეულის დონეზე. როგორ შეიძლება რუსეთი იყოს G20-ში, თუ ის მიზანმიმართულად მუშაობს შიმშილობისთვის რამდენიმე კონტინენტზე? ეს სისულელეა. რუსეთის ადგილი არ არის ოცეულში.

რუსეთი ყველაფერს აკეთებს, რომ მილიონობით აფრიკელი, ახლო აღმოსავლეთისა და სამხრეთ აზიის მილიონობით მცხოვრები ხელოვნური შიმშილის ან, თუნდაც, მძიმე ფასების კრიზისის პირობებში აღმოჩნდეს.

მაგრამ, რატომ შეუძლია რამდენიმე ადამიანს სადღაც კრემლში, გადაწყვიტოს, ექნება თუ არა ხალხს ეგვიპტეში ან ბანგლადეშში საჭმელი მაგიდაზე? რა არის ეს? სამყაროს აქვს ძალა, დაიცვას ხალხი ამისგან.

უკრაინა იყო და შეიძლება, მომავალშიც იყოს გლობალური სასურსათო უსაფრთხოების ერთ-ერთი გარანტი. რუსული ტერორი და შანტაჟი უნდა დამარცხდეს. კაცობრიობამ უნდა გაიმარჯვოს.

ბოლო ამბები:

კომენტარები

კვირის ტოპ-5

გირჩევთ

ახლა კითხულობენ

გამოქვაბულებში ჩხრიალა გველის ულამაზესი სახეობა აღმოაჩინეს