უწყების ინფორმაციით, ბრალდებული 25 ოქტომბერს დააკავეს.

პროკურატურის განცხადებით, დაკავებული გენდერის ნიშნით, შეუწყნარებლობის მოტივით, არასრულწლოვანი შვილების თანდასწრებით სისტემატურად ძალადობდა ცოლზე, აყენებდა სიტყვიერ და ფიზიკურ შეურაცხყოფას.

  • ასევე, სისტემატურად ემუქრებოდა სიცოცხლის მოსპობით, რაც დაზარალებულს ფსიქოლოგიური სტრესის ქვეშ ამყოფებდა.

დეტალები: დაკავებულს ბრალად ედება ოჯახის ერთი წევრის მიერ მეორე წევრის მიმართ განხორციელებული სისტემატური ცემა და სხვაგვარი ძალადობა, რამაც დაზარალებულის ფიზიკური და ფსიქიკური ტანჯვა გამოიწვია, ჩადენილი არასრულწლოვნის თანდასწრებით — სსკ-ის 11 პრიმა, 126-ე მუხლის მე-2 ნაწილის "კ" ქვეპუნქტი;

  • სისტემატური სიცოცხლის მოსპობის და ჯანმრთელობის დაზიანების მუქარა ოჯახის წევრის მიმართ — სსკ-ის1 პრიმა 151-ე მუხლის მე-2 ნაწილის "დ" ქვეპუნქტი
  • ოჯახის წევრის თვითმკვლელობის ცდამდე მიყვანა, მსხვერპლისადმი მისი პატივის და ღირსების სისტემატური დამცირებით, ჩადენილი გენდერის ნიშნით — სსკ-ის 1 პრიმა 115-ე მუხლის მე-2 ნაწილის "ა" ქვეპუნქტი.
  • დანაშაული 4-დან 6 წლამდე პატიმრობას ითვალისწინებს.

მნიშვნელოვანია ვიცოდეთ, რომ ოჯახში ძალადობა არ გულისხმობს მხოლოდ ფიზიკურ შეხებას. ოჯახის წევრის მხრიდან ფსიქოლოგიური ზეწოლა, მუქარა, შანტაჟი, სიტყვიერი შეურაცხყოფა ასევე ძალადობაა და კანონით აკრძალულია.

  • ოჯახში ძალადობის შემთხვევაში პოლიციის გამოძახება შესაძლებელია 112-ზე დარეკვით. ზარი უფასოა.
  • საკონსულტაციო მომსახურების გაწევის მიზნით ფუნქციონირებს ცხელი ხაზი — 116 006.

საჭიროების შემთხვევაში შეგიძლიათ დარეკოთ შემდეგ ნომრებზე:

  • საფარის უფასო იურიდიული დახმარება — 0322 30 76 03; 599 40 76 03;
  • სახალხო დამცველის ცხელი ხაზი — 1481.