ინფორმაციას ამის შესახებ საქართველოს პროკურატურა ავრცელებს.

რატომ არის მნიშვნელოვანი: სამართალდამცავებმა ორივე ბრალდებული 18 და 19 ოქტომბერს დააკავეს.

  • ფორმულასთან მოქალაქეები ამბობდნენ, რომ სკოლიდან მათ შეტყობინებები მიიღეს.
  • "მომივიდა ხმოვანი შეტყობინება, როგორც ყველა მშობელს, რომ ვიყოთ ფრთხილად, რადგან დაფიქსირდა 2 ფაქტი ბავშვების მოტყუების — "ვარ მამის მეგობარი" ან "შეყვარებულს გადააწოდეთ ყვავილი", — აცხადებდა ერთ-ერთი მშობელი.
  • "რა თქმა უნდა შეშინებული ვართ და სკოლამაც გაგვაფრთხილა", — ამბობდა კიდევ ერთი.

დეტალები: გამოძიებით დადგინდა, რომ ერთ-ერთმა 11 ოქტომბერს ქუთაისში არასრულწლოვანს მანქანით დანიშნულების ადგილამდე მიყვანა შესთავაზა.

  • მგზავრობის დროს ბრალდებულმა მანქანა გზიდან გადააყენა, გადმოვიდა და დაზარალებულის მხარეს ჯდომას ცდილობდა.
  • უწყების განცხადებით, ამ დროს არასრულწლოვანს დამ დაურეკა, ბრალდებულმა კი მას საუბრის საშუალება არ მისცა და ტელეფონის მისთვის მიცემა აიძულა, რა დროსაც დაზარალებულმა გაქცევა შეძლო.

მეორე ეპიზოდი: გამოძიების მიხედვით, მეორე ბრალდებულმა 16 წელს მიუღწეველი ორი პირის მიმართ გარყვნილი ქმედება განახორციელა.

ბრალდება: ერთ-ერთ ბრალად სსსკ-ის 150-ე მუხლით მე-2 ნაწილის ა ქვეპუნქტით წარედგინა, რაც დამნაშავისთვის წინასწარი შეცნობით არასრულწლოვანის მიმართ იძულებასა და თავისუფლების უკანონო შეზღუდვას გულისხმობს.

  • რაც შეეხება მეორე პირს, მას ბრალი სსსკ-ის 141-ე მუხლის მე-2 ნაწილის დ ქვეპუნქტით ჰქონდა წარდგენილი, რაც წინასწარი შეცნობით 16 წელს მიუღწეველი პირის მიმართ ჩადენილ გარყვნილ ქმედებას გულისხმობს.
  • პატიმრობის შუამდგომლობა პროკურატურამ დააყენა.