ირლანდიაში საქართველოს საელჩოსა და დუბლინის მერიის ერთობლივი ორგანიზებით, საქართველოს დამოუკიდებლობის დღის აღსანიშნავად, დუბლინის ცენტრში, საქართველოს სახელმწიფო დროშები გამოიფინა.

ირლანდიაში საქართველოს საელჩოს ცნობით, ქართული დროშები ირლანდიის დედაქალაქის ქუჩებში 26 მაისის ჩათვლით დარჩება. მათივე განცხადებით, მეორე წელია, რაც ორი ქვეყნის მეგობრობისა და ურთიერთპატივისცემის ნიშნად, საქართველოს დამოუკიდებლობის დღესთან დაკავშირებით, დუბლინში ქართულ დროშებს აღმართავენ.

ფოტო: Embassy of Georgia to Ireland / Facebook