ტერაბანკი მოსწავლეებისა და სტუდენტებისთვის კონკრეტულად მათთვის განკუთვნილი საბანკო პროდუქტების — ჯუნიორ ბარათისა და გრძელვადიანი სტუდენტური სესხის შეთავაზებას ახალ სასწავლო წელს კვლავაც აგრძელებს. ორივე პროდუქტი კომფორტული, მოქნილი ფუნქციონალით გამოირჩევა და მომხმარებლებს საბანკო მომსახურებით სარგებლობას მაქსიმალურად უმარტივებს.

ჯუნიორ ბარათი მშობლისთვის მოსწავლის ფინანსების მართვის საუკეთესო გადაწყვეტილებაა. პლასტიკური ბარათის სასურველი თანხით შევსების შემდეგ მოსწავლე ფულს ბანკომატით ან ფილიალში გაინაღდებს, შეძლებს, გადაიხადოს სავაჭრო ობიექტებში, საზოგადოებრივ ტრანსპორტსა და სკოლის სასადილოში. მშობელი კი შესრულებულ ტრანზაქციებს ინტერნეტბანკით ან SMS-ით გააკონტროლებს. ბარათის მოთხოვნა უფასოა და მასზე ტერაბაიტების დაგროვებაცაა შესაძლებელი.

აღსანიშნავია, რომ ბარათზე ვრცელდება უსაფრთხოების მაღალი სტანდარტი: ანგარიში მხოლოდ ლარში იხსნება. ამასთან, იგი დაბლოკილია მაღალი რისკისა და აზარტული თამაშების საიტებისთვის. ჯუნიორ ბარათი გაიცემა 6-18 ასაკის პირებზე, მშობლის ან მეურვის მიერ მოზარდის დაბადების მოწმობის ან მეურვეობის დამადასტურებელი დოკუმენტის წარდგენით. პროდუქტის შესახებ მეტი ინფორმაციისთვის ეწვიეთ ბმულს.

ჯუნიორ ბარათის პარალელურად, ტერაბანკი საერთაშორისო გამოცდილების საფუძველზე შექმნილი პროდუქტის, სტუდენტური სესხის შეთავაზებასაც აგრძელებს. მისი დახმარებით, მსურველებს საშუალება აქვთ, ფულადი რესურსის არქონის შემთხვევაში, განათლება თავად დაიფინანსონ, გრძელვადიანი სესხის დაფარვა სწავლის დასრულებიდან ერთი წლის შემდეგ დაიწყონ, ეს პერიოდი კი მთლიანად დასაქმებისთვის გამოიყენონ.

აღსანიშნავია, რომ პროდუქტის უპრეცედენტო პირობა საშეღავათო პერიოდია, რომელიც 60 თვემდე ვადით გრძელდება. სწავლის პერიოდთან ერთად, იგი დამატებით 12 თვესაც მოიცავს და სტუდენტების საჭიროებებთან მაქსიმალურ თანხვედრაშია. ამას გარდა, სესხის აღება დამოუკიდებლად, მშობლების თანამონაწილეობის გარეშეა შესაძლებელი.

სტუდენტური სესხის პროგრამა ათასწლეულის ფონდის ფინანსური მხარდაჭერით ხორციელდება და განკუთვნილია ქვეყანაში მოქმედი, საერთაშორისო აკრედიტაციის მქონე უმაღლესი და პროფესიულ-საგანმანათლებლო დაწესებულებების სტუდენტებისთვის, რომლებიც საქართველოს მოქალაქეები არიან. დაფინანსების პროცესში პრიორიტეტი საბუნებისმეტყველო და საინჟინრო (STEM) სპეციალობებს ენიჭება. პროგრამაში გაერთიანებულია შემდეგი უნივერსიტეტები: ილია სახელმწიფო უნივერსიტეტი, საქართველოს ტექნიკური უნივერსიტეტი, საქართველოს საავიაციო უნივერსიტეტი, კავკასიის უნივერსიტეტი, ივანე ჯავახიშვილის სახელობის თბილისის სახელმწიფო უნივერსიტეტი, თბილისის სახელმწიფო სამედიცინო უნივერსიტეტი და საზოგადოებრივ საქმეთა ინსტიტუტი. პროდუქტის შესახებ დეტალებისთვის ეწვიეთ ბმულს.

ტერაბანკისთვის მოქნილი, მრავალფუნქციური სასწავლო პროდუქტების შეთავაზება ერთ-ერთი მნიშვნელოვანი მიმართულებაა და ამ კუთხით მუშაობა მომავალშიც გაგრძელდება.