ამის შესახებ მან Facebook-ზე გაავრცელა ინფორმაცია.

რატომ არის მნიშვნელოვანი: ბოლო პერიოდში მედიაში ვრცელდებოდა ცნობები, რომ ნაციონალურ მოძრაობაში დაპირისპირებაა.

  • დღეს პარტიამ ოფიციალური განცხადება გაავრცელა, სადაც პროვოკაციების მოწყობის მცდელობებზე ისაუბრა და აღნიშნა, რომ ეს "რუსული ოცნების სტრატეგიაა".

დეტალები: ბასიშვილის თქმით, პარტიის წესდებაში ცვლილებები და სტრუქტურის რეორგანიზაციაა საჭირო. ის, სავარაუდოდ, პარტიიდან არ მიდის, რადგან წერს, რომ ბრძოლას აგრძელებს და "ამ დიდი ოჯახის წევრი რჩება".

  • "ამ საყვედურებში ყველას ავიწყდება, რომ ყველა დამნაშავე ვართ პუტინის პატიმარი მიშა რომ დღემდე ვერ დავიხსენით. ყველაზე დიდ პოლიტიკურ ორგანიზაციას აკეთილშობილებს პასუხისმგებლობა და დისციპლინა";
  • "ვერც დიქტატორმა უნდა გმართოს და ვერც ოლიგარქმა თუ სამშობლო გიყვარს";
  • "პარტიის პოლიტსაბჭოში ბევრი ღირსეული წევრი და თანამებრძოლია, მაგრამ ვისურვებდი უფრო ქმედითს, მეტი გამჭვირვალობით და დემოკრატიულად არჩეულს", — წერს ის.