ამის შესახებ ინფორმაციას საქართველოს პროკურატურა ავრცელებს.

რატომ არის მნიშვნელოვანი: მათი თქმით, მტკიცებულებებით დადასტურდა, რომ ოჯახში ძალადობისთვის ნასამართლევმა პირმა არასრულწლოვანი შვილის თანდასწრებით, ცოლს ფიზიკური შეურაცხყოფა მიაყენა.

  • 11 დეკემბერს ცოლის მშობლების სახლში მივიდა, სადაც დანით დაზიანებები მიაყენა ცოლის დედ-მამას, ცოლის დას, ცოლის ძმის ცოლს და მის მცირეწლოვან შვილს.

დეტალები: პროკურატურის განცხადებით, სამართალდამცველებმა ბრალდებული იმავე დღეს დააკავეს.

  • დაკავებულს ბრალი ოჯახში ძალადობისა და დამამძიმებელ გარემოებებში მკვლელობის მცდელობის ჩადენისთვის ჰქონდა წარდგენილი.
  • უწყებაში ამბობენ, რომ ახალქალაქის რაიონულმა სასამართლომ სრულად გაიზიარა პროკურატურის მიერ წარდგენილი მტკიცებულები, ბრალდებული დამნაშავედ ცნო და 20 წელი მიუსაჯა.

მნიშვნელოვანია ვიცოდეთ, რომ ოჯახში ძალადობა არ გულისხმობს მხოლოდ ფიზიკურ შეხებას. ოჯახის წევრის მხრიდან ფსიქოლოგიური ზეწოლა, მუქარა, შანტაჟი, სიტყვიერი შეურაცხყოფა ასევე ძალადობაა და კანონით აკრძალულია.

  • ოჯახში ძალადობის შემთხვევაში პოლიციის გამოძახება შესაძლებელია 112-ზე დარეკვით. ზარი უფასოა.
  • საკონსულტაციო მომსახურების გაწევის მიზნით ფუნქციონირებს ცხელი ხაზი — 116 006.

საჭიროების შემთხვევაში შეგიძლიათ დარეკოთ შემდეგ ნომრებზე:

  • საფარის უფასო იურიდიული დახმარება — 0322 30 76 03; 599 40 76 03;
  • სახალხო დამცველის ცხელი ხაზი — 1481.