უკრაინა შეტევაზე გადავიდა — რა ვიცით
![](http://rachel.on.ge/2022/08/29/1657356727-7931_630cac8749151.jpg)
ხერსონის რეგიონული სამხედრო ადმინისტრაციის უფროსის მრჩეველმა, სერგეი ხლანმა განაცხადა, რომ შეიარაღებულმა ძალებმა რუსების თავდაცვის პირველი ხაზი გაარღვიეს.
რატომ არის მნიშვნელოვანი: როგორც ადმინისტრაციის უფროსის მრჩეველმა თქვა, ოკუპანტების განადგურების არეალი სულ უფრო ფართოვდება.
- კახოვკას სამხედრო დაჯგუფება იუწყება, რომ დონეცკის ე.წ. სახალხო რესპუბლიკის 109-ე პოლკმა პოზიციებიდან უკან დაიხია, ხოლო რუსი მედესანტეები, რომლებიც მათ მხარდაჭერას უცხადებდნენ, ბრძოლის ველიდან გაიქცნენ.
დეტალები: ოპერატიულმა ჯგუფმა გაავრცელა ვიდეო, სადაც, სავარაუდოდ, რუსი ჯარისკაცი ამბობს, რომ უკრაინელებმა შეტევა დაიწყეს.
- "გაარღვიეს თავდაცვის პირველი ხაზი და დარტყმას ახორციელებენ ყველაფრიდან, რაც კი შესაძლებელია, ტანკებიდან, თვითმფრინავებიდან, არტილერიიდან", — ამბობს ჯარისკაცი ვიდეოში.
- სამხრეთ უკრაინის თავდაცვის ძალების ერთობლივი საკოორდინაციო პრესცენტრის ხელმძღვანელმა, ნატალია ჰუმენიუკმა განაცხადა, რომ ნებისმიერი სამხედრო ოპერაცია დუმილს მოითხოვს და ჯერ უნდა დაველოდოთ საბოლოო შედეგებს.
- რუსული სახელმწიფო მედიის ცნობით, ხერსონის ოლქის ოკუპირებულ ნოვაია კახოვკაში სამუშაო ადგილებიდან ევაკუაციაა გამოცხადებული.
აშშ-ის ოფიციალური პირები აცხადებენ, რომ უკრაინის სამხედრო ძალებმა ქვეყნის სამხრეთში ოპერაციების "ფორმირება" დაიწყეს, რათა ბრძოლის ველი მნიშვნელოვანი კონტრშეტევისთვის მოამზადონ.
- მათი თქმით, "ფორმირების" ოპერაციები სტანდარტული სამხედრო პრაქტიკაა შეტევის დაწყებამდე, რომელიც მოიცავს იარაღის სისტემებს, ბრძანებას და კონტროლს, საბრძოლო მასალის საცავებს და სხვა სამიზნეებს, რათა მოამზადოს ბრძოლის ველი დაგეგმილი წინსვლისთვის.
- აშშ-ის დაზვერვის ინფორმაციით, მოსალოდნელი კონტრშეტევა მოიცავს საჰაერო და სახმელეთო ოპერაციების კომბინაციას.
იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება მსოფლიოში.
-
-
გადახედვა
-
გადახედვა
-
-
გადახედვა
-
-
გადახედვა
-
გადახედვა
-
გადახედვა
-
-
გადახედვა
-
გადახედვა
-
გადახედვა
-
-
გადახედვა
-
გადახედვა
-
-
-
გადახედვა
-
-
კომენტარები