გარემოს ეროვნული სააგენტოს ინფორმაციით, მომავალი კვირის განმავლობაში ცხელი და უმეტესად უნალექო ამინდი შენარჩუნდება.

რატომ არის მნიშვნელოვანი: სააგენტო მიუთითებს, რომ მოსალოდნელია ძლიერი ქარიც, რაც კიდევ უფრო გაზრდის ტყის ხანძრების გაჩენის რისკს.

  • ჰაერის მაღალ ტემპერატურასთან ერთად ძლიერ ქარს ვარაუდობენ კოლხეთის დაბლობზე, ზემო იმერეთში, შავი ზღვის სანაპირო რაიონებში;
  • ასევე გორი-სურამის მონაკვეთზე და მთიანი რეგიონების ზოგიერთ რაიონში.

დეტალები: გარემოს ეროვნული სააგენტოს პროგნოზის თანახმად, ჰაერის ტემპერატურა დასავლეთ საქართველოში 35, 40 გრადუსი იქნება.

  • სანაპირო რაიონებში — 32, 37, ხოლო აღმოსავლეთ საქართველოში 31, 36 გრადუსი.

ტყის ხანძრები: რამდენიმე დღეა ბორჯომის მუნიციპალიტეტის სოფელ ქვაბისხევის მიმდებარე ტყეში ძლიერია ხანძარია.

  • როგორც საგანგებო სიტუაციების მართვის სამსახურში ამბობენ, ხანძრის ქრობის სამუშაოებს ართულებს რთული კლიმატური პირობები;
  • მათი ცნობით, ბორჯომში ხანძრის ქრობის სამუშაოები მთელი ღამის განმავლობაში მიმდინარეობდა.