16 აგვისტოს კომპანია Meta-მ სოციალურ ქსელ Facebook-ზე ახალი ვიდეო გამოაქვეყნა, რომელიც ამ პლატფორმასა და Instagram-ზე Reels-ების ახალ ფუნქციებს ეხება.

პირველი სიახლე "Add Yours" სტიკერია, რომელსაც მომხმარებლები Facebook-ზეც გამოიყენებენ და Instagram-ზეც, სადაც ის სთორებში გასულ წელს ჩაეშვა. მისი მეშვეობით Reels-ებზე ერთგვარი "ტრენდი" შეიქმნება, რომელიც მრავალ კრეატორს გააერთიანებს.

მომხმარებლებს ამიერიდან Facebook Reels-ების დახმარებით თანხის გამომუშავების მეტი შანსიც ექნებათ. საქმე იმაშია, რომ მას "Stars" ფუნქცია ემატება, ანუ ვირტუალური საჩუქრები, რომლებსაც გამომწერებისგან ვიდეოებისთვის მიიღებენ.

ასევე, Reels-ებს უკვე პლატფორმათა შორის, კერძოდ, Instagram-დან Facebook-ზეც დაპოსტავთ, როგორც აქამდე სთორების შემთხვევაში იყო შესაძლებელი. სოციალურ ქსელში ძველად გაზიარებული სთორებისგან ავტომატურად შეიქმნება Reels ჩამონათვალი, ხოლო Creator Studio-ში იხილავთ, რამდენად ნახვადია ვიდეო.

აღსანიშნავია, რომ Instagram ამგვარი ცვლილებებით სულ უფრო მეტად ემსგავსება TikTok-ს, რომელიც მისი მთავარი კონკურენტია. ამის მიუხედავად, მომხმარებლები ზოგიერთი ცვლილებით უკმაყოფილონი არიან, რამაც კომპანიას საცდელი სიახლეების ნაწილის გაუქმებაც კი აიძულა.

თუ სტატიაში განხილული თემა და ტექნოლოგიების სფერო შენთვის საინტერესოა, შემოგვიერთდი ჯგუფში, სადაც ვლაპარაკობთ ტექნოლოგიებზე.