თბილისის კედლებზე გრაფიტი და სტენსილი არათუ აღარ გვიკვირს, არამედ სტრიტ არტი ჩვენი ქალაქის ნაწილიც გახდა. თუმცა, ვიდრე თბილისში ნიჭიერი არტისტები გამოჩნდებოდნენ, მანამდე ჩვენი ქალაქის კედლები სხვადასხვა ზომისა და ფორმის პენისებით იყო გადაპენტილი.

თბილისური ტრადიციის მიხედვით, ფალიკურ არტს, თუ ის ნახატი იყო მავანი პურიტანი ქუჩის არტისტი მზედ აკეთებდა, ხოლო თუ სიტყვიერად იყო გამოსახული - 900-ად.

28 წლის ლონდონელმა ხელოვანმა ბრიტანული ფალოსების გადაფარვა სხვა ხერხით გადაწყვიტა. მან არტის ამ მიმდინარეობაში საერთოდ სხვა შესაძლებლობა დაინახა და ყველა პენისს ზემოდან პრეზერვატივი გადაახატა და უსაფრთხო სექსის მოწოდებები მიაწერა.

ფოტო: projectcitycocks / instagram

მისი თქმით, ის ერთხელ ლონდონში დახატული ფალოსების რაოდენობას დააკვირდა და შეშფოთდა, განსაკუთრებით იმ ფაქტით, რომ ასეთი გრაფიტი სკოლის ავტობუსების გაჩერებებთან მრავლად იყო. სწორედ ამის შემდეგ, მან გადაწყვიტა, რომ ეს ნახატები მართებული სექსუალური განათლებისთვის შეიძლებოდა გამოეყენებინა.

"ერთ დღეს სქესობრივი გზით გადამდები დაავადებების სტატისტიკას გავეცანი და გავოცდი, სწორედ ამიტომ გადავწყვიტე ამ სასარგებლო გრაფიტის გაკეთება", აცხადებს ის.

2015 წლის სტატისტიკური მონაცემებით, ბრიტანეთში მცხოვრებ 25 წლამდე ასაკის ადამიანებში, სექსუალური გზით გადამდები დაავადებების 435 ათასი ფაქტი დაფიქსირდა.

საქსტატის 2015 წლის მონაცემებით, საქართველოში ათაშანგის 1335 და გონოკოკური ინფექციის 717 შემთხვევაა რეგისტრირებული.