მმართველი პარტიის თავმჯდომარე თავს დაესხა ჟურნალისტებსაც, რომლებიც დავით არახამიას განცხადებების შესახებ მისთვის კითხვების დასმას ცდილობდნენ.

რატომ არის მნიშვნელოვანი: ირაკლი კობახიძემ შეურაცხყოფა უკრაინის რადას ფრაქციის თავმჯდომარესა და ვოლოდიმირ ზელენსკითან დაახლოებულ პირს მიაყენა.

  • ეს არ არის პირველი შემთხვევა, როცა მმართველი პარტიის წარმომადგენლები უკრაინელ პოლიტიკოსებს თავს ესხმიან;
  • ისინი მათ "ომში ჩათრევის" მცდელობაშიც ადანაშაულებენ.

დეტალები: კობახიძემ მთავარი არხის ჟურნალისტს უთხრა რომ "პოლიტიკის გამო სახე დაკარგა" და დისკრიმინაციული მოტივით მისი დამცირება სცადა.

  • "კგბ-შნიკი არის მამათქვენი, ეს შემიძლია გითხრათ";
  • "შენც ხარ დავით არახამია. როგორც არახამია არ არის კაცი, ისე შენც არ ხარ ქალი";
  • "სახე დაკარგე, თავი დაკარგე, პოლიტიკა გიღირს ამად? სამარცხვინოა".

არქივიდან: გუშინ დავით არახამია მმართველი პარტიის განცხადებებს გამოეხმაურა და თქვა, რომ მხოლოდ ბიძინა ივანიშვილი არ არის სანქციების სამიზნე.

  • "დამნაშავეებს რად უნდათ მტკიცებულებები?! ჩვენ მათ გადავცემთ კომპეტენტურ ორგანოებს, სადაც სანქციებით არიან დაკავებული";
  • "ამას ყველა შემთხვევაში ნახავენ თქვენი ხელისუფლების წარმომადგენლები. აი, ბიჭებო, პირდაპირ გეუბნებით — ცოტა ფრთხილად გამონათქვამებთან".