უკრაინის რადას ცნობით, ამის შესახებ ოლენა ზელენსკამ აშშ-ში ვიზიტის დროს, ერთ-ერთ ინტერვიუში ისაუბრა.

რატომ არის მნიშვნელოვანი: 20 ივლისს უკრაინის პირველმა ლედიმ აშშ-ის კონგრესს სიტყვით მიმართა და იარაღი მოითხოვა.

  • აქამდე პირველ ლედის საჯაროდ არცერთხელ არ მოუთხოვია იარაღი.

დეტალები: ზელენსკა ამბობს, რომ ყველა პროტოკოლის მიუხედავად, იარაღი იმიტომ მოითხოვა, რომ მათი ხალხის წინააღმდეგ ყოველდღიურ ტერორს ბოლო მოეღოს.

  • "მე ყოველთვის მარტივი მაგალითი მომყავს: შენს სახლში კრიმინალი შემოიჭრა, ირგვლივ ყველაფერს ანგრევს, ახლობლებს გიკლავს, გაშინებს, შენ შიშში ცხოვრობ, წინააღმდეგობას უწევ";
  • "შემდეგ კი ვიღაც გთავაზობს: გავჩერდეთ, დაველაპარაკოთ, მივცეთ მისაღები ოთახი და ვიცხოვროთ დარჩენილ სივრცეში. მე ვფიქრობ, რომ ეს სისულელეა".

არქივიდან: კონგრესზე ზელენსკამ არა როგორც პირველმა ლედიმ, არამედ, როგორც დედამ და შვილმა ისაუბრა. მისი თქმით, მოუწია მოეთხოვა ის, რასაც არასდროს მოითხოვდა — იარაღი.

  • "ვითხოვ იმას, რისი მოთხოვნაც არასდროს მენდომებოდა, ვითხოვ იარაღს — იარაღს, რომელიც არ იქნება გამოყენებული სხვის მიწაზე ომისთვის, არამედ საკუთარი სახლის დასაცავად და ამ სახლში ცხოვრების უფლების შესანარჩუნებლად";
  • "მე ვითხოვ საჰაერო თავდაცვის სისტემებს, რათა რაკეტებმა არ დახოცონ ბავშვები ეტლში და არ მოკლან მთელი ოჯახი".