ქართული ოცნების თავმჯდომარის განცხადებით, არ აქვთ არავითარი ინტერესი, რომ პრეზიდენტთან რაიმე სახის პოლემიკაში შევიდეთ. ამის შესახებ მან იმედის ეთერში ისაუბრა.

რატომ არის მნიშვნელოვანი: პრეზიდენტსა და ხელისუფლებას შორის ბოლო პერიოდში ურთიერთობა განსაკუთრებით დაიძაბა.

  • პრეზიდენტმა თქვა, რომ მმართველ გუნდში საგარეო საქმეთა მინისტრის გარდა, აღარავინ აღარ ესაუბრება.
  • "თუ იმიტომ არ მესაუბრებიან, რომ გავაკრიტიკე მაშინ, ალბათ, არასოდეს არ დამელაპარაკებიან. იმიტომ, რომ არ არსებობს დემოკრატია, სადაც არ არის კრიტიკა და სადაც არ შეგიძლია, რომ მოისმინო კრიტიკა".
  • ისაუბრა მმართველი გუნდის ანტიდასავლურ განცხადებებზე და აღნიშნა, რომ ხელისუფლებამ არ იმუშავა საკმარისად, რათა საქართველოს კანდიდატის სტატუსი მიეღო.

პასუხად, კობახიძემ თქვა, რომ პრეზიდენტს არ აქვს რაღაც განსაკუთრებული კომპეტენციები, რითაც სერიოზული პრობლემის შექმნა შეუძლია.

  • კითხვაზე, მართლა არ ესაუბრებიან თუ არა მმართველი გუნდიდან პრეზიდენტს, კობახიძემ თქვა, რომ შეუძლია დალაპარაკება. თუმცა თქვა ისიც, რომ "როცა გვქონდა დეტალებზე საუბარი არ მოისმინა, ვერ მოისმინა".
  • "ჩვენ არა ერთხელ ვცადეთ, მისთვის რაღაცები აგვეხსნა, მათ შორის, ინფორმაციის დეფიციტის გამო, შეიძლება, უჭირდა რაღაცების გაანალიზება, სწორად შეფასება და ნუ, ყველაზე კრიტიკულ მოვლენებზე მაქვს საუბარი".
  • "გაუჭირდა რაღაცების შეფასება და გაანალიზება, ეს არის სამწუხარო... რაიმე განსაკუთრებული კომპეტენციები არ აქვს, ქვეყანას ვერ დააქცევს".