საქართველოს სახალხო დამცველი გენერალური აუდიტორის, ლაშა თორდიასა და ყოფილი მთავარი პროკურორის, ოთარ ფარცხალაძის კონფლიქტის საქმეს შეისწავლის. ამის შესახებ უჩა ნანუაშვილმა დღეს, 15 მაისს განაცხადა:

"დავაკვირდებით გამოძიების მიმდინარეობას. მე იმედი მაქვს, რომ ამჯერად მაინც მოხდება ადეკვატური რეაგირება და ეს საქმე იქნება გამოძიებული, მით უმეტეს, როცა არის მაღალი საზოგადოებრივი ინტერესი. სამწუხაროდ, მსგავსი ფაქტები, როდესაც მოხდა ძალადობის არაერთი ფაქტი, კონკრეტულ თანამდებობის პირებზე, თუ პოლიტიკურ ფიგურებზე, არ იყო გამოძიებული. ეს ფაქტი არის ერთგვარი ტესტი საქრთველოს საგამოძიებო ორგანოებისთვის."

გენერალური აუდიტორი, ლაშა თორდია აცხადებს, რომ 12 ივნისს მას ფიზიკური შეურაცხყოფა მიაყენა საქართველოს ყოფილმა მთავარმა პროკურორმა ოთარ ფარცხალაძემ და მისმა თანხმლებმა პირმა. მისივე თქმით, ამის მიზეზი აუდიტის სამსახურის მიერ ფარცხალაძის შესახებ ანგარიშის მომზადება გახდა.

ოთარ ფარცხალაძის თქმით, თორდიას ბრალდებები სიცრუეა და კონფლიქტის ინიციატორი "ძლიერი ალკოჰოლური თრობის ქვეშ მყოფი ლაშა თორდია იყო."