დღეს, 15 მაისს, აუდიტორია 115-ის წევრებმა, გაერთიანებული პროფკავშირების წარმომადგენლებთან და მათ მხარდამჭეერებთან ერთად, თბილისის სახელმწიფო უნივერსიტეტიდან, რუსთაველის გამზირის მიმართულებით მსვლელობა გამართეს.

აქციის ორგანიზატორები და მონაწილეები ხელისუფლებისაგან შრომითი უფლებებისა და შრომის უსაფრთხოების დაცვას მოითხოვენ. დემონსტრანტებს უჭირავთ ბანერი "ვიბრძოლოთ სიცოცხლისთვის", რითაც სამუშაოს შესრულებისას დაღუპულ მუშებს უცხადებენ სოლიდარობას. ისინი აცხადებენ, რომ საჭიროა ქმედითი კანონმდებლობა, რაც რეალურად დაიცავს დასაქმებულის უფლებებს და მკაცრად გააკონტროლებს დამსაქმებლებს.

ფოტო: გელა ბოჩიკაშვილი / On.ge

მსვლელობის გამო, რუსთაველის გამზირი ცალმხრივად არის გადაკეტილი და პოლიცია ცდილობს ორიმე მხარეს აღადგინოს ავტომანქანების მოძრაობა.