მსოფლიოს 99 ქვეყანა კიბერთავდასხმის მსხვერპლი გახდა. ამის შესახებ ინფორმაციას BBC ავრცელებს. გამოცემის ინფორმაციით, კიბერთავდასხმისას, სავარაუდოდ, გამოყენებულია ამერიკის შეერთებული შტატების ეროვნული უსაფრთხოების სააგენტოდან მოპარული საშუალებები. ვირუსის სახელია WannaCry.

BBC წერს, რომ კიბერ-უსაფრთხოების კომპანია ავასტის ინფორმაციით, მსგავსი 75 ათასი შემთხვევა დაფიქსირდა. იმ ქვეყნებს შორის, სადაც მსგავსი თავდასხმა განხორციელდა რუსეთი, ჩინეთი, ინგლისი და შოტლანდია.

როგორც BBC-ის იუწყება, ამ მიზეზის გამო, დაახლოებით 40 ჯანდაცვის ეროვნულ სამსახურში ოპერაციები გაუქმდა. სამედიცინო პერსონალის ინფორმაციით, ვირუსი კომპიუტერის ბლოკის მოხსნით სანაცვლოდ 300 ამერიკული დოლარის ეკვივალენტ ვირტუალურ ფულს - ბიტკოინს ითხოვდა.

BBC წერს, რომ 12 მაისის განმვლობაში მსგავსი ვირუსების არსებობის შესახებ ძირითადად ევროპული ქვეყნებიდან ვრცელდებოდა ინფორმაცია. თუმცა, ყველაზე მასშტაბური თავდასხმა რუსეთზე განხორციელდა. რუსეთის შინაგან საქმეთა მინისტრის ინფორმაციით, მსგავსი პრობლემა ჰქოდნა მათ ათასამდე კომპიუტერს, თუმცა, მონაცემებს პრობლემა არ შექმნია.

ვირუსი გავრცელდა ესპანეთში, საფრანგეთში, გერმანიასა და იტალიაშიც.