ვისაც Alien-ის ანუ უცხოს სერიებიდან ერთი მაინც უნახავს, კარგად იცის როგორ ევლინება სამყაროს პატარა ქსენომორფი.

ამ არსების დაბადება ნამდვილად არ არის ის პროცესი, რომელზეც ვინმე იტყოდა, რომ ახალი სიცოცხლის ქვეყნად მოვლინება ულამაზესიაო. პირიქით, ეს საშინელი და სასტიკი სანახაობაა. ისინი პირდაპირ მუცლიდან ძვრებიან და თავიანთ საზარელ პირებს აკაწკაწებენ და საშინელ ხმებს გამოსცემენ.

მაგრამ, მოდით შევთანხმდეთ, რომ მაინც საყვარლები არიან.

ჰოდა, თუ გაინტერესებდათ, როგორია დაბადების პროცესი პატარა ქსენომორფუკების პერსპექტივიდან, ამ გამოცდილების მიღება ახალი VR ვიდეოთი შეგეძლებათ.

გაიკეთებთ თვალებზე VR მოწყობილობას და უყურებთ როგორია ადამიანის ნაწლავებში ძრომიალი და ჩვილი უცხოპლანეტელის დანახვის გამო პანიკაში ჩავარდნილი კოსმო-მოგზაურის ისტერიკა.

არ ვიცი ეს ყველაფერი რამდენად გესიამოვნებათ, მაგრამ ალბათ ჯობია მტერს კარგად იცნობდეთ და ის დაბადების პროცესიდანვე შეისწავლოთ... თუმცა... აქვს აზრი?