აშშ-ს პრეზიდენტმა დონალდ ტრამპმა, დღეს, 10 მაისს თეთრი სახლის ოვალურ კაბინეტში, რუსეთის საგარეო საქმეთა მინისტრს, სერგეი ლავროვს უმასპინძლა. მანამდე, ლავროვმა სახელმწიფო მდივანთან რექს ტილერსონთან გამართა მოლაპარაკებები.

თეთრი სახლის მიერ გავრცელებულ განცხადებაში ნათქვამია, რომ შეხვედრისას დონალდ ტრამპმა ხაზი გაუსვა ერთობლივი მუშაობის საჭიროებას, სირიაში კონფლიქტის ესკალაციისთვის, რაც ასადის რეჟიმის შეჩერებას გულისხმობს. ასევე, განცხადების თანახმად, პრეზიდენტი უკრაინის კონფლიქტსაც შეეხო და რუსეთს მოუწოდა სრულად შეასრულოს მინსკის სამშვიდობო შეთანხმება.

"პრეზიდენტმა ხაზგასმით აღნიშნა, რომ მისი სურვილია უკეთესი ურთიერთობა არსებობდეს ამერიკის შეერთებულ შტატებსა და რუსეთს შორის", - ნათქვამია თეთრი სახლის განცხადებაში.

სერგეი ლავროვმა ვაშინგტონში გამართულ პრესკონფერენციაზე უარყო ბრალდება, რომ მისი ქვეყანა აშშ-ის პოლიტიკაში ერევა.

იგი შეერთებულ შტატებში 2013 წლის შემდეგ პირველად ჩავიდა. პრეზიდენტისა და რუსი დიპლომატების შეხვედრის ამსახველ ფოტოს რუსეთის საელჩო აშშ-ში ტვიტერის გვერდზე გავრცელდა. შეხვედრა მედიისთვის დახურული იყო.