ფორსაჟის ფილმების ვარსკვლავ პოლ უოკერს ჰოლივუდის დიდების ხეივანში ვარსკვლავს 2023 წელს — გარდაცვალებიდან 10 წლის თავზე გაუხსნიან. პოლი 2013 წელს ავტოავარიაში დაიღუპა.

უოკერი ფორსაჟის პირველი მსახიობი არაა, რომელსაც დიდების ხეივანში ვარსკვლავი ექნება. ჰოლივუდის დიდების ხეივანში ვინ დიზელის, დუეინ ჯონსონის, კურტ რასელისა და შარლიზ ტერონის ვარსკვლავების ნახვაც შეგიძლიათ.

პოლ უოკერმა ბრაიან ო’კონერის როლი პირველად 2001 წელს შეასრულა და ფორსაჟის ფილმების ვარსკვლავი გარდაცვალებამდე იყო. პოლის შესახებ ცოტა ხნის წინ ვინ დიზელმაც ისაუბრა. მისი თქმით, ფორსაჟის ყველა ფილმი უოკერის ხსოვნას ეძღვნება:

"ერთი დღეც არ გავა ისე, რომ არ მინდოდეს უკან დავაბრუნო დრო, რათა პაბლოს [პოლ უოკერს] მადლიერების შაბათ-კვირას ლოს-ანჯელესში დაბრუნება გადავაფიქრებინო. ფორსაჟის ყველა ფილმი ჩემი ძმის, პაბლოს ხსოვნას ეძღვნება", — განაცხადა ვინ დიზელმა.

აღსანიშნავია, რომ 2021 წლის ოქტომბერში პოლ უოკერის შვილის ქორწილი იყო. ის საკურთხევლამდე ვინ დიზელმა მიაცილა.

ამავე თემაზე: