პირველ დეკემბერს, პოლ უოკერის გარდაცვალებიდან მე-8 წლისთავზე, ვინ დიზელმა მეგობრის ხსოვნისადმი მიძღვნილ პოსტში აღნიშნა, რომ მისი შვილი, ჰანია რაილი სინკლერი, პოლის შვილის, მედოუს, მეჯვარე იყო.

ქორწილის დღეს ვინ დიზელმა ინსტაგრამზე ფოტოც გააზიარა, რომლიდანაც გავიგეთ, რომ მედოუ საკურთხეველთან თავად მიაცილა. 23 წლის მოდელმა მედოუ უოკერმა მსახიობ ვუდი თორნტონ-ალანზე კარიბის ზღვის ერთ-ერთ კუნძულზე იქორწინა.

"უკვე რვა წელი გავიდა, თუმცა ისეთი დღე არ ყოფილა, ჩვენი მეგობრობა რომ არ გამეხსენებინა. ტრაგედიებს ყოველთვის მოჰყვება ბედნიერი მომენტებიც, თუკი ამის რწმენა გექნება. პოლ, ამ ფოტოს შეხედე, ის აუცილებლად ღიმილს მოგგვრის. ანგელოზი, რომელთან დასახვედრადაც შენი ძმური რჩევებით მამზადებდი, იგივე ანგელოზია, რომელსაც ძვირფასმა მედოუმ მეჯვარეობა სთხოვა", — ვკითხულობთ დიზელის პოსტში.

2013 წლის 30 ნოემბერს პოლ უოლკერი ავარიაში დაიღუპა, ამ დროს კი მისი შვილი მედოუ 15 წლის იყო.

პოლის გარდაცვალების მე-8 წლისთავზე მამის ხსოვნას მედოუმაც მიაგო პატივი პოსტით, რომელსაც ბავშვობის ფოტო დაურთო. "უზომოდ მიყვარხარ და მენატრები. დღესაც და ყოველდღე მე მაბედნიერებს, რომ არსებობ და მიყვარხარ, ჩემო მეგობარო", — წერს მედოუ.

ასევე იხილეთ: