ნიკოლაევის რეგიონალური სახელმწიფო ადმინისტრაციის ხელმძღვანელი, ვიტალი კიმი აცხადებს, რომ უკრაინის არმიას საბრძოლო მასალა ეწურება. მისი თქმით, ბრძოლა გადაიქცა "არტილერიის ომად".

კიმი დასავლელ პარტნიორებს მოუწოდებს, დააჩქარონ შორ მანძილზე მსროლელი იარაღისა და საბრძოლო მასალის მიწოდება, რათა დაეხმარონ უკრაინას საპასუხო დარტყმებში.

"ევროპისა და ამერიკის დახმარება ძალიან, ძალიან მნიშვნელოვანია", — თქვა კიმმა.

მსგავსი განცხადება გააკეთა უკრაინის სამხედრო დაზვერვის უფროსის მოადგილემ, ვადიმ სკიბიცკიმ Guardian-თან ინტერვიუში.