პოლონეთის პრეზიდენტის ადმინისტრაციის განცხადებით, ანდჟეი დუდამ დაიწყო ვიზიტების სერია სამხრეთ ევროპაში, პორტუგალიასა და იტალიაში, რათა დაარწმუნოს ამ ქვეყნების ლიდერები, რომ მხარი დაუჭირონ უკრაინის ევროკავშირში გაწევრიანებას.

ადმინისტრაციის ცნობით, დუდასთან ერთად ვიზიტებზე უნდა ყოფილიყო სლოვაკეთის პრეზიდენტი, ზუზანა ჩაპუტოვა, თუმცა მას კორონავირუსი დაუდასტურდა.

პოლონეთის პრეზიდენტი ჯერ პორტუგალიის პრემიერმინისტრ ანტონიო კოსტას, შემდეგ კი იტალიის პრეზიდენტ სერჯო მატარელას შეხვდება.