საქართველოში ევროკავშირის ელჩს, კარლ ჰარცელს პაველ ჰერჩინსკი შეცვლის. საგარეო საქმეთა და უსაფრთხოების პოლიტიკის საკითხებში ევროკავშირის უმაღლესმა წარმომადგენელმა, ჯოზეფ ბორელმა ევროკავშირის 31 დელეგაციის ხელმძღვანელების კანდიდატები დღეს, 8 ივნისს წარადგინა.

ჰერჩინსკი ოფიციალურად საქართველოდან შესაბამისი თანხმობის მიღების შემდეგ დაინიშნება. ის ამჟამად ევროპის საგარეო ქმედებათა სამსახურის (EEAS) მმართველი დირექტორია უსაფრთხოების, თავდაცვის პოლიტიკისა და კრიზისებზე რეაგირების საკითხებში. მანამდე იყო პოლონეთის წარმომადგენელი პოლიტიკურ და უსაფრთხოების კომიტეტში (PSC).

კარლ ჰარცელი არის საქართველოში ევროკავშირის ელჩი, რომელიც თანამდებობაზე 2018 წლის სექტემბერში დაინიშნა.