მელიტოპოლის მერის, ივან ფედოროვის განცხადებით, რუსმა სამხედროებმა მელიტოპოლის რეგიონში თითქმის ყველა საგუშაგო დატოვეს. ამის შესახებ მან ვიდეომიმართვაში ისაუბრა.

"ოკუპანტებმა მელიტოპოლის რეგიონის თითქმის ყველა საგუშაგო დატოვეს. გმირი უკრაინელი სამხედროები ყველაფერს აკეთებენ, რომ დასახლებები რაშისტებისგან გაათავისუფლონ. რუსმა დამპყრობლებმა მელიტოპოლში დაბლოკეს კომუნიკაციები და ინტერნეტი", — ამბობს ის.

ამასთან, მელიტოპოლის მერმა თქვა, რომ უახლოეს თვეებში მოხდება ქალაქის დეოკუპაცია, რადგან სახელმწიფო პოლიტიკის პრიორიტეტია ზაპოროჟიეს რეგიონის დროებით ოკუპირებული ტერიტორიების გათავისუფლება.