გერმანიის ყოფილმა კანცლერმა, ანგელა მერკელმა ომის დაწყებიდან 3 თვის შემდეგ, უკრაინას სოლიდაობა გამოუცხადა, რუსეთის ქმედებებს კი "ბარბაროსული" უწოდა. ამის შესახებ მერკელმა ბერლინში გამართულ ღონისძიებაზე ისაუბრა.

"მინდა პირდაპირ განვაცხადო, რომ მხარს ვუჭერ ფედერალური მთავრობის, ევროკავშირის, აშშ-სა და G7-ში ჩვენი პარტნიორების ყველა ძალისხმევას, რუსეთის აგრესიული ბარბაროსული ომის შესაჩერებლად", — თქვა მერკელმა.

მერკელს ხშირად აკრიტიკებდნენ რუსეთისადმი მისი პოლიტიკის გამო. 4 აპრილს უკრაინის პრეზიდენტმა, ვოლოდიმირ ზელენსკიმ ის და საფრანგეთის ყოფილი პრეზიდენტი ნიკოლა სარკოზი ბუჩაში მიიწვია, რათა ენახათ, რა მოიტანა "რუსეთთან 14-წლიანმა დათმობის პოლიტიკამ".