ლუგანსკის რეგიონალური ადმინისტრაციის ხელმძღვანელის, სერგეი გაიდაის განცხადებით, ოკუპანტებმა სედვეროდონეცკის ქიმიურ ქარხანაში აზოტმჟავის ავზი ააფეთქეს. ამის შესახებ ინფორმაციას ის საკუთარ ტელეგრამ არხზე ავრცელებს.

გაიდაი მოქალაქეებს მოუწოდებს, მიიღონ შესაბამისი ზომები და სამალავებიდან არ გამოვიდნენ.

"აზოტმჟავა საშიშია ჩასუნთქვის, გადაყლაპვის და კანთან და ლორწოვან გარსებთან შეხებისას. მჟავის ორთქლი აღიზიანებს სასუნთქ გზებს, სუსტი მოწამვლისას ვლინდება ბრონქიტის ნიშნები, თავბრუსხვევა, ძილიანობა. მძიმე მოწამვლისას — ფილტვის შეშუპება. გაზის ნიღბები გამოიყენება აზოტმჟავის ორთქლისა და ნისლისგან დასაცავად", — წერს ის.

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში.