უკრაინის პრეზიდენტის, ვოლოდიმირ ზელენსკის განცხადებით, ოკუპანტებისთვის სევეროდონეცკის აღება ფუნდამენტური ამოცანაა. მისი თქმით, დაზიანებულია სახლების 90%, ხოლო მთლიანად განადგურებულია საცხოვრებლის 2/3-ზე მეტი.

"ოკუპანტებისთვის სევეროდონეცკის აღება ფუნდამენტური ამოცანაა. მათ არ აინტერესებთ რამდენი სიცოცხლით უნდა გადაიხადონ რუსეთის დროშის აღმართვის მცდელობისთვის", — ამბობს ზელენსკი.

პრეზიდენტი აცხადებს, რომ ყველაფერს აკეთებენ ამ შეტევების შესაჩერებლად. მისი თქმით, არ ყოფილა დღე, რომ არ ეცადონ, მიიღონ მეტი იარაღი ხალხისა და მიწის დასაცავად.

ლუგანსკის რეგიონული ადმინისტრაციის ხელმძღვანელის, სერგეი გაიდაის ცნობით, სევეროდონეცკი კვლავ უკრაინის კონტროლის ქვეშაა და უკრაინელი დამცველები ტოშკოვკაშიც გამაგრდნენ.

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში.