საზოგადოებრივი მაუწყებლის სამეურვეო საბჭოს წევრად პარლამენტმა ოპოზიციის კვოტით წარდგენილი კანდიდატი, ლიკა ბასილაია-შავგულიძე აირჩია. მას მხარი 52-მა დეპუტატმა დაუჭირა.

შავგულიძემ ფეისბუქგვერდზე საპარლამენტო ოპოზიციას მხარდაჭერისთვის მადლობა გადაუხადა და დაწერა, რომ საზოგადოებრივი მაუწყებლის მიმართ ხალხის ნდობის გასაზრდელად მთელი მოდნომებით იმუშვებს.

"ყველაფერს გავაკეთებ, რომ არ შევრცხვე, სადმე, ოდესმე ტყუილად ხარ მანდო, ვინმემ რომ არ თქვას. საზოგადოებრივი მაუწყებლისადმი ხალხის ნდობის და ინტერესის გაზრდაზე ვიმუშავებ მთელი მონდომებით. ყველას დიდი მადლობა, ნაციონალურ მოძრაობას, ლელოს, გირჩებს, გახარიას გუნდს და მოქალაქეებს, ასევე გიორგი ვაშაძის გუნდის წევრებს, ასევე ფრიდონ ინჯიას გუნდს", — წერს ის.

13 აპრილს საზოგადოებრივი მაუწყებლის სამეურვეო საბჭოს წევრად ქართული ოცნების კანდიდატი, ვასილ მაღლაფერიძე აირჩიეს.