დანიის სამეფომ საქართველოში საელჩოს გახსნის გადაწყვეტილება მიიღო. საქართველოს საგარეო საქმეთა სამინისტროს განცხადებით, ამის შესახებ, დანიის საგარეო მინისტრმა ილია დარჩიაშვილთან შეხვედრაზე განაცხადა.

"შეხვედრაზე მინისტრებმა დადებითი შეფასება მისცეს დანიასა და საქართველოს ორმხრივ თანამშრომლობას, რომელმაც ბოლო წლებში განსაკუთრებული დინამიკა შეიძინა. ამ მხრივ ხაზი გაესვა ურთიერთ - ვიზიტების გაცვლის მნიშვნელობას და კიდევ ერთხელ აღინიშნა მიმდინარე წლის მარტში საქართველოში დანიის საგარეო საქმეთა მინისტრის ვიზიტი", — ვკითხულობთ საგარეოს განცხადებაში.

მათივე ცნობით, ხაზი გაესვა საქართველოს და ზოგადად ევროკავშირის აღმოსავლეთ სამეზობლოს მიმართ დანიის მხრიდან გამოჩენილ მზარდ ინტერესს და მხარდაჭერას.