ამერიკულ-ქართული განათლების ცენტრმა LEAF დაიწყო მჭიდრო თანამშრომლობა საერთაშორისო ორგანიზაცია QS-თან (Quacquarelli Symonds). თანამშრომლობის ფარგლებში საზღვარგარეთ სწავლის გაგრძელების მსურველებს შესაძლებლობა ექნებათ მარტივი სააპლიკაციო პროცედურით გააგზავნონ განაცხადები აშშ-ს, ევროპის, ახალი ზელანდიისა და ავსტრალიის პარტნიორ პრესტიჟულ უნივერსიტეტებში. რაც მთავარია, LEAF აღნიშნულ მომსახურებას სრულიად უფასოდ გაგიწევთ.

QS (Quacquarelli Symonds) არის საერთაშორისო ანალიტიკური ორგანიზაცია, რომელიც იკვლევს უმაღლეს განათლებას მსოფლიოში. ის ცნობილია უმაღლესი განათლების რეიტინგებით — QS World University Rankings, რომლებშიც მსოფლიოს 1300-ზე მეტი უნივრსიტეტი მონაწილეობს. 2004 წლიდან მოყოლებული QS აგროვებს მონაცემებს უნივერსიტეტების მუშაობის შესახებ და ქმნის ყველაზე მრავალფეროვან და შედარებად მონაცემთა ბაზებს. ის კვლევის საშუალებით ასევე სწავლობს მომავალი სტუდენტების მოტივაციას, პრიორიტეტებსა და სურვილებს. QS-ის მისიაა საგანმანათლებლო მიზნების მიღწევით, დაეხმაროს მოტივირებულ ადამიანებს თავიანთი კარიერული მიზნების მიღწევაში.

2022-2023 აკადემიური წლიდან QS განათლების კონსულტანტებს შესთავაზებს თავის სააპლიკაციო სისტემას QS Apply, რომლის საშუალებითაც მსურველებს საშუალება ექნებათ სააპლიკაციო განაცხადები გააგზავნონ მსოფლიოს ცნობილ უნივერსიტეტებში. აპლიკანტებს შეეძლებათ განაცხადი გააკეთონ საბაკალავრო და სამაგისტრო პროგრამებზე ისეთი მიმართულებებით, როგორებიცაა:

• ბიზნესი და მართვა;
• ინჟინერია და ტექნოლოგიები;
• სოფლის მეურნეობა და გარემოს დაცვა;
• კომპიუტერული მეცნიერებები;
• ხელოვნება, დიზაინი და მედია;
• სამართალი;
• ფარმაცია;
• ეკონომიკა;
• არქიტექტურა.

QS Apply-ის საშუალებით განაცხადის გაგზავნა შესაძლებელია ისეთ რეიტინგულ უნივერსიტეტებში, როგორებიცაა:

აშშ

• ილინოისის ტექნოლოგიების ინსტიტუტი;
• ვაშინგტონის სახელმწიფო უნივერსიტეტი;
• ჯეიმს მედისონის უნივერსიტეტი;
• კლივლენდის სახელმწიფო უნივერსიტეტი.

დიდი ბრიტანეთი

• ესექსის უნივერსიტეტი;
• ორკის უნივერსიტეტი;
• ნოთინგჰემის ტრენტ უნივერსიტეტი;
• რიდინგის უნივერსიტეტი;
• ვესტმინსტერის უნივერსიტეტი;
• დედოფალ მერის უნივერსიტეტი;

ევროპა

• ჰააგის გამოყენებითი მეცნიერებების უნივერსიტეტი;
• ამერიკული ბიზნეს სკოლა პარიზში;
• გრიფიტის უნივერსიტეტი;
• ნიკოსიას უნივერსიტეტი.

ახალი ზელანდია

• ოკლენდის ტექნოლოგიების უნივერსიტეტი;
• დედოფალ ვიქტორიას უნივერსიტეტი ველინგტონში.

ავსტრალია

• დარვინის საერთაშორისო უნივერსიტეტი;
• ავსტრალიის ეროვნული უნივერსიტეტი;
• დასავლეთ სიდნეის უნივერსიტეტი.

სწავლის საფასური განსხვავდება უნივერსიტეტისა და სწავლის საფეხურის მიხედვით. უნივერსიტეტებისა და პროგრამების შერჩევა ხდება აპლიკანტთა აკადემიური მონაცემებისა და ინდივიდუალური საჭიროებების გათვალისწინებით.