ფინეთის პარლამენტმა NATO-ში გაწევრიანებას მხარი დაუჭირა. გადაწყვეტილებას მხარი 188-მა დეპუტატმა დაუჭირა, 8 კი წინააღმდეგი იყო.

"პარლამენტი მხარს უჭერს განაცხადის გაკეთებას NATO-ს წევრობაზე. პარლამენტმა გადაწყვეტილება საგარეო ურთიერთობათა კომიტეტის ანგარიშის შესაბამისად მიიღო 188 ხმით 8-ის წინააღმდეგ", — ამბობენ ისინი

12 მაისს ფინეთის პრემიერმინისტრმა და პრეზიდენტმა განაცხადეს, რომ ქვეყნის NATO-ში გაწევრიანების განაცხადი დაუყოვნებლივ უნდა შეიტანოს. ერთობლივ განცხადებაში ფინეთის პრეზიდენტი, საული ნიინისტე და პრემიერმინისტრი, სანა მარინი არნიშნავენ, რომ NATO-ში გაწევრიანება ფინეთის უსაფრთხოებას გააძლიერებს, როგორც NATO-ს წევრი, ფინეთი გააძლიერებს მთელ თავდაცვის ალიანსს. NATO-ში წევრობის განაცხადზე მუშაობას შვედეთიც იწყებს.

ნატოს გენერალურმა მდივანმა იენს სტოლტენბერგმა არაერთხელ განაცხადა, რომ ის მოელის, რომ ყველა მოკავშირე მიესალმება ქვეყნების პერსპექტიულ წევრობას და რომ გაწევრიანების პროცესი იქნება სწრაფი.