McDonald's აცხადებს, რომ ყიდის რუსულ ბიზნესს და ტოვებს ქვეყანას. კომპანიის თქმით, უკრაინაში ჰუმანიტარული კრიზისი და რუსეთის არაპროგნოზირებადი ოპერაციები ცხადყოფს, რომ რუსეთში ბიზნესის ქონა აღარ არის გამართლებული და არც McDonald's-ის ღირებულებს შეესაბამება.

გადაწყვეტილების ფარგლებში, ქსელი აგრძელებს რუსეთში რესტორნების მთელი პორტფელის ადგილობრივ მყიდველზე გაყიდვას. ეს ზომები მოიცავს იმის უზრუნველყოფას, რომ McDonald's Russia-ის თანამშრომლები კვლავაც მიიღებენ ანაზღაურებას.

"ჩვენ გვაქვს ვალდებულება გლობალური საზოგადოების წინაშე და მტკიცე უნდა ვიყოთ ჩვენს ღირებულებებში. ერთგულება ჩვენი ფასეულობებისადმი ნიშნავს იმას, რომ ჩვენ ვეღარ შევძლებთ იქ თაღების გაბრწყინებას", — თქვა მაკდონალდსის პრეზიდენტმა და აღმასრულებელმა დირექტორმა, კრის კემპჩინსკიმ.

8 მარტს McDonald's-მა რუსეთში მუშაობა დროებით შეაჩერა და ყველა რესტორანი დახურა. BBC-ის ცნობით, რუსეთში McDonald's-ის 850-მდე ფილიალია, სადაც 62 000 ადამიანია დასაქმებული.