უკრაინის ელჩი გერმანიაში, ანდრეი მელნიკი აცხადებს, რომ ყოფილი კანცლერის, ანგელა მერკელის მოლაპარაკებებში ჩართვას მიესალმებიან, განსაკუთრებით, ვლადიმერ პუტინთან მისი ურთიერთობის გათვალისწინებით. ამის შესახებ მან გერმანულენოვან გამოცემასთან ინტერვიუში ისაუბრა და უპასხუა კითხვას, წარმოგიდგენიათ თუ არა, რომ ანგელა მერკელი ამ კონფლიქტში შუამავალი იყოს?

"რატომაც არა. სამწუხაროდ, ქალბატონმა მერკელმა შეწყვიტა აქტიურ პოლიტიკაში ჩარევა. მაგრამ თუ მიიჩნევს, რომ შეუძლია დაასრულოს ეს საშინელი ომი, რა თქმა უნდა, მივესალმებით — განსაკუთრებით მაშინ, როცა მან პუტინთან ათწლეულების განმავლობაში კონფიდენციალური ურთიერთობა შეინარჩუნა", — განაცხადა მან.

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში