მარიუპოლის მცველების ინფორმაციით, 6 მაისს აზოვსტალიდან მშვიდობიანი მოსახლეობის ევაკუაციის დროს, რუსული დაბომბვის შედეგად დაიღუპა 3 მებრძოლი დაიღუპა, 6 კი დაშავდა. ამის შესახებ პოლკის სარდლობამ უკრაინსკა პრავდას განუცხადა.

როგორც აზოვში ამბობენ, ერთი მებრძოლი მაშინ დაიღუპა, როცა რუსებმა საევაკუაციო მანქანა დაბომბეს, 2 კი უპილოტო საფრენი აპარატებიდან ჩამოგდებული ბომბებს ემსხვერპლა.

რამდენიმე წუთის წინ უკრაინის ვიცე-პრემიერმა განაცხადა, რომ აზოვსტალიდან ყველა ქალი, ბავშვი და მოხუცი ევაკუირებულია. მისი თქმით, მარიუპოლის ჰუმანიტარული ოპერაციის ეს ნაწილი დასრულდა.

დღეს, 7 მაისს სოციალურ ქსელებში გავრცელდა დეზინფორმაცია იმის შესახებ, რომ აზოვის პოლკი, რომელიც მარიუპოლში, აზოვსტალშია გამაგრებული დანებდა. წერენ, თითქოს მარიუპოლის მცველებმა თეთრი დროშა აღმართეს და რუსებს ჩაბარდნენ.

აზოვის პოლკის პრესსამსახურმა, ეს ცნობები უარყო და განმარტა, რეალურად რისთვის იყენებენ თეთრ დროშას. მათი თქმით, ეს ევაკუაციის ნიშანია და პროცესის დაწყების დროს რუსებიც აღმართავენ.

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში