კიევის მერი, ვიტალი კლიჩკო ეძებს ლატვიელ ბავშვს, რომელმაც ყულაბაში დაგროვილი დანაზოგი უკრაინას გაუგზავნა. ინფორმაციას ამის შესახებ რიგის ვიცე-მერი, ედვარდს სმილტენსი ავრცელებს.

სმილტენსის თქმით, სიმბოლური საჩუქარი კლიჩკოს თავად გადასცა, რის შემდეგაც კიევის მერმა ლატვიის ხელისუფლებას ბავშვის მოძებნა სთხოვა, რათა მადლობა გადაეხადათ.

უმაღლესი რადას სიტყვის თავისუფლების კომიტეტის მრჩეველი, ოლგა ჩერვაკოვა Facebook-ზე წერს, რომ ბავშვი, სავარაუდოდ, 5-6 წლისაა და როცა ჰუმანიტარული დახმარების ავტობუსს ყულაბა მიუტანა, თქვა "მინდა, რომ უკრაინაში მეტი ადამიანი აღარ დაიღუპოს".

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში