უკრაინის უსაფრთხოების სამსახური აცხადებს, რომ გაანეიტრალეს მტრის დივერსიული ჯგუფი, რომელიც სამგზავრო თვითმფრინავის ჩამოგდებისთვის და ამაში უკრაინისა და საერთაშორისო პარტნიორების დადანაშაულებისთვის ემზადებოდა.

"SBU-მ ჩაატარა მრავალსაფეხურიანი სპეცოპერაცია, რომლის დროსაც მან გაანეიტრალა მტრის ღრმად საიდუმლო დივერსიული და სადაზვერვო ჯგუფი. რუსეთის შეიარაღებული ძალების გენერალური შტაბის აგენტები ამზადებდნენ ტერორისტულ თავდასხმას. ისინი აპირებდნენ სროლას და სამგზავრო თვითმფრინავის რუსეთის ან ბელარუსის ტერიტორიაზე ჩამოგდებას. ოკუპანტები აპირებდნენ უსაფუძვლოდ დაედანაშაულებინათ უკრაინა და ჩვენი პარტნიორები თვითმფრინავზე თავდასხმაში", — ამბობს SBU-ს სპიკერი.

უწყების განცხადებით, სპეცოპერაციის დროს დააკავეს ოკუპანტების დივერსიული და სადაზვერვო ჯგუფის ყველა წევრი. მათივე თქმით, გამოვლენილი დანაშაულის ყველა გარემოების დასადგენად და მისი ორგანიზატორების პასუხისგებაში მიცემის მიზნით მიმდინარეობს საგამოძიებო და ოპერატიული მოქმედებები.