ქართული ოცნების ყოფილი წევრის, გედევან ფოფხაძის განცხადებით, 2017 წელს პარტიის ცენტრალურმა ოფისმა რაიონულ ორგანიზაციებს მისცა დავალება — გამოევლინათ ადამიანები, რომლებიც Facebook-ზე ცუდს წერდნენ რუსეთის პრეზიდენტ ვლადიმერ პუტინზე. ამის შესახებ მან ფორმულას ეთერში ისაუბრა.

"ეს არის 2017 წლის დავალება, რომელიც ოფიციალურად მიიღო პარტიულმა რაიონულმა ორგანიზაციებმა. 2017-ში ქართული ოცნების პარტიულმა ორგანიზაციებმა მიიღო ასეთი დავალება — გამოვლინდეს ქართული ოცნების მომხრეებს შორის ადამიანები, რომლებიც Facebook-ზე ცუდს წერენ პუტინზე და მოხდეს ამ ადამიანების განეიტრალება, ან მათთან საუბარი, მუშაობა, რომ მათ პუტინზე ცუდი არ დაწერონ", — თქვა ფოფხაძემ.

კითხვაზე, თუ ვინ გასცა ეს დავალება, ფოფხაძემ უპასუხა, რომ ეს იყო ქართული ოცნების ცენტრალურმა ოფისი.

"პარტიული აქტივის დამუშავება ხდებოდა 2017 წლიდან მოყოლებული... უხსნიდნენ, რომ პარტიის ინტერესებში არ შედის, ელაპარაკებოდნენ", — თქვა მან.

"როცა მოიტანა თემამ მაშინ გეუბნებით", — ასე უპასუხა პარტიის ყოფილმა წევრმა კითხვას, რატომ არ უთქვამს აქამდე ამის შესახებ.

ჟურნალისტის შეკითხვაზე, თუ რა იყო ამ დავალების მიზეზი, ფოფხაძე პასუხობს, რომ "მშვიდობა უნდოდათ". მისივე თქმით, ამ დავალების შემსრულებელი, მაკონტროლებელი სახელმწიფო უსაფრთხოების სამსახური იყო.