უკრაინის გენერალური პროკურორის, ირინა ვენედიქტოვას განცხადებით, უკრაინის რადას პრორუსი დეპუტატი, ვიქტორ მედვედჩუკის დამლაგებლის სახლის ჩხრეკისას $467000 და 87000 ევრო იპოვეს. როგორც ვენედიქტოვა წერს, ჩხრეკა მედვედჩუკის წინააღმდეგ აღძრული საქმის ფარგლებში ჩატარდა.

სახელმწიფო ღალატში ბრალდებული, გაქცეული პრორუსი დეპუტატი უკრაინაში 12 აპრილს დააკავეს. როგორც უსაფრთხოების სამსახურში აცხადებდნენ, მედვედჩუკს უკრაინის შეიარაღებული ძალების ფორმა ეცვა, რათა შენიღბულიყო. რუსეთის პრეზიდენტი, ვლადიმერ პუტინი მედვედჩუკის შვილის ნათლიაა.

უკრაინული მედიების ცნობით, პოლიტიკოსი ღალატშია ბრალდებული და რუსეთის შეჭრამდე ის შინაპატიმრობაში იმყოფებოდა. 16 აპრილს მას სასამართლომ პატიმრობა შეუფარდა. თავდასხმის წინა დღეს გავრცელდა ინფორმაცია, რომ მისი ცოლი ბელარუსში გაიქცა, შემდეგ კი შინაპატიმრობიდან მედვედჩუკიც გაიქცა.

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში