უკრაინის პრეზიდენტის, ვოლოდიმირ ზელენსკის განცხადებით, ევროკომისია დათანხმდა, რომ ერთი წლით უკრაინულ ექსპორტზე ყველა გადასახადი და კვოტა მოხსნას. ამაზე მან ახალ ვიდეო მიმართვაში ისაუბრა.

"ამ წინადადების დეტალები პრეზიდენტს ურსულა ფონ დერ ლაიენთან განვიხილე. ძალიან დიდი მადლობელი ვარ პირადად მისი და ყველა სხვა ჩვენი ევროპელი მეგობრის ამ დიდი ნაბიჯის გამო. ახლა ეს ჩვენ საშუალებას მოგვცემს, რამდენადაც შეგვიძლია, შევინარჩუნოთ ეკონომიკური აქტივობა უკრაინაში, ჩვენი ეროვნული წარმოება", — აცხადებს ის.

დღეს ევროკომისიის პრეზიდენტმა, ურსულა ფონ დერ ლაიენმა პოლონეთისა და ბულგარეთისთვის რუსეთის მიერ გაზის მიწოდების შეწყვეტაზეც გააკეთა კომენტარი და ამას კრემლის მორიგი პროვოკაცია უწოდა. მისი თქმით, ახლა ორივე ქვეყანა გაზს ევროკავშირის წევრი მეზობლებისგან იღებს.